TURKISTON MA’RIFATPARVARI HAMZA HAKIMZODA NIYOZIYNING (1889-1929) XOTIN –QIZLAR TA’LIMI HAQIDA QARASHLARI

Abstract

XIX asr oxiri – XX asr boshlarida Turkistonda ayollar ta’limi o‘ziga xos rivojlanish jarayonlarini boshdan kechirgan. Ushbu davrda ta’lim va madaniyat sohasida amalga oshirilgan islohotlar xotin-qizlarni ta’lim olishga yo‘naltirish va ayollarni ijtimoiy hayotga jalb qilishda muhim ahamiyatga ega bo‘ldi. Mazkur davrda ilm ziyolilari o‘z asarlarida xotin – qizlarning ta’limi haqida o‘z fikr mulohazalarini she’rlarida va maqolalarida ham yoritib o‘tganlar. Jumladan  Turkiston ma’rifatparvari Hamza Hakimzoda Niyoziy o‘zining ko‘plab she’rlarida, maqolalarida xotin-qizlar masalasi, ayollar ta’limi haqida toʻxtalib o‘tgan. U zamondoshlariga oʻz qizlarini oʻqitishni, qizlar ham iqtidorda erkaklardan qolishmasligini, ular uchun yangi usul maktablari qurish kerakligini ta’kidlab oʻtgan.