O‘ZBEKISTONDA KITOBXONLIK DARAJASI

Shiddat bilan rivojlanayotgan bugungi kunda millatlar uchun ilm-fan cho’qqilarini egallash nechog’lik muhim ekanligini zamonning o’zi ko’rsatib turibdi. Qaysiki xalq ko’p kitob o’qisa, ko’p ilm egallasa, o’sha millat muvaffaqiyat cho’qqilarini ko’proq zabt etmoqda. Buning zamirida esa tinimsiz izlanish va mashaqqatli mehnat yotishi hech kimga sir emas. Shuning uchun ko’p kitob o’qish, ilm olish va yangidan yangi marralarni zabt etish O’zbekiston xalqi uchun ham o’ta muhim vazifalardan biri bo’lib turibdi. Ammo bu vazifani uddalay olishimiz uchun qay darajada harakat qilyapmiz, izlanyapmizmi yoki yo’qmi, kitob o’qiyapmizmi o’zi, mamlakatimizda kitobxonlik darajasi qanday holatda, - degan savollar tug’ilishi tabiiy. Shu kabi savollarga ushbu maqolamiz orqali statistik ma’lumotlar, arxiv hujjatlari, kitobshunos olimlarning fikr-mulohazalari va ilmiy tahlillariga asoslangan holda javob topishga harakat qilib ko’rdik. Qilingan xulosalar natijasidan kelib chiqib, o’z taklif va tavsiyalarimizni bayon etdik.