RAQAMLI TA’LIM MUHITIDA TARIX TA’LIMINI RIVOJLANTIRISHNING DIDAKTIK TA’MINOTINI TAKOMILLASHTIRISHDA ONLAYN PLATFORMALARNING SAMARADORLIGI

Mazkur maqolada raqamli ta’lim muhiti sharoitida tarix ta’limini rivojlantirishda onlayn platformalarning didaktik ta’minotni takomillashtirishdagi o‘rni va samaradorligi tahlil qilinadi. Tadqiqot Qoraqalpog‘iston davlat universiteti, Namangan davlat universiteti va Farg‘ona davlat universitetlarida tarix yo‘nalishidagi talabalar va o‘qituvchilar o‘rtasida olib borilgan so‘rovnoma va kuzatish natijalariga asoslangan. Maqolada talabalarning onlayn platformalardan foydalanish tajribalari, ularning interaktiv elementlardan qoniqish darajasi, texnik muammolar va o‘quv materiallarining sifati o‘rganilgan. Shuningdek, ta’lim jarayonining samaradorligini oshirish bo‘yicha texnologik infratuzilmani rivojlantirish, o‘qituvchilarning raqamli savodxonligini oshirish va milliy platformalarni takomillashtirish bo‘yicha amaliy tavsiyalar berilgan. Ushbu maqola tarix fanini zamonaviy raqamli vositalar orqali o‘qitish jarayonida duch kelinayotgan muammolarni bartaraf etishga qaratilgan.