MATNDA ENKRATIK DISKURS

Har qanday badiiy asar matn darajasiga ko‘tarilishi uchun u eng avvalo, yetuk adabiy-badiiy tizim darajasiga ko‘tarilishi lozim. Bunday barkamol tizimning yuzaga kelishi muallifning iste’dod darajasi, uning ijodkorlik malakasini qay darajada egallagani bilan bog‘liq, albatta.  Ushbu maqolada romanning matn sifatida murakkab  badiiy-estetik strukturaga egaligi va bu strukturada nafaqat qahramonlarning shaxsiy turmushi, oilaviy hayoti, sevgi sarguzashtlari, ularning o‘zi va yaqinlari haqidagi o‘y-fikr va mulohazalari, shuningdek, jamiyatning muayyan bir davrdagi ijtimoiy-siyosiy tuzumi bilan bog‘liq ahvoli, xalq, millat, mamlakat, davlat, bashariyat miqyosidagi  muammolar, guruhlar, tabaqalar orasidagi munosabatlar o‘z badiiy ifodasi hamda bunday aloqa-bog‘lanishlarning enkratik diskursda ifodalanishi ko‘rsatilgan.