ARXIV HUJJATLARIDA O‘ZBEKISTON QISHLOQ AHOLISI ORASIDA BRUSELLEZ KASALLIGINING TARQALISHI VA UNING SABABLARINI YORITILISHI (1940-1950 YILLAR)

Mustaqillikning ilk davrlaridan O‘zbekiston tarixini oʻrganish davlat siyosati darajasiga ko‘tarildi va kun taribiga haqqoniy tarixni birlamchi manbalar asosida yaratish, uni holisona talqin etish, bahs va munozaralar asosida tarixiy haqiqatni tiklash qo‘yildi. Ayniqsa, sovet hokimyati davridagi ijtimoiy-iqtisodiy muammolarni ilmiy asoslarda, arxiv hujjatlari asosida yoritish kun tartibiga chiqdi. Xalqimizning sovet hokimyati davri ijtimoiy hayotini yoritishda O‘zbekiston ilmiy-texnikaviy va tibbiy hujjatlari Milliy arxivi materiallaridan foydalanish muhim ahamiyat kasb etadi. Statistik tahliliy ma’lumotlar haqqoniy tarixni yuzaga chiqarishda muhim manba bo‘lib xizmat qiladi. Maqolada 1940-1950 yillarda O‘zbekiston qishloq aholisi orasida brusellez kasalligini tarqalishi va unga qarshi ko‘rilgan choralar arxiv hujjatlari asosida statistik ma’lumot orqali yoritilib berilgan.