OLIY TA`LIMDA INGLIZ TILI SAVODXONLIGINI OSHIRISHDA MULTIMEDIA TEXNOLOGIYALAR ORQALI YARATILGAN VIDEOKONTENTLARDAN FOYDALANISH TIZIMINI TAKOMILLASHTIRISH

Ushbu maqolada oliy ta’limda ingliz tili o‘qitish jarayonida multimedia texnologiyalaridan foydalanish va videokontentdan foydalanish tizimini takomillashtirish masalalari ilmiy tahlil qilinadi. Interaktiv darsliklar, virtual reallik (VR), sun’iy intellekt, video darsliklar va boshqa zamonaviy texnologiyalar orqali ingliz tilini o‘rganish samaradorligini oshirish imkoniyatlari ko‘rib chiqiladi. Tadqiqot davomida multimedia texnologiyalarining ta’lim jarayoniga ta’siri, ularning afzalliklari va yuzaga keladigan muammolar chuqur o‘rganildi. O‘zbekiston oliy ta’lim muassasalarida videokontentdan foydalanish bo‘yicha mavjud muammolar va ularni hal etish bo‘yicha tavsiyalar berildi. Tahlillar shuni ko‘rsatadiki, videokontent va interaktiv texnologiyalardan samarali foydalanish talabalar motivatsiyasini oshirib, ularning mustaqil o‘rganish ko‘nikmalarini rivojlantiradi. Maqola yakunida O‘zbekiston ta’lim tizimida multimedia texnologiyalaridan foydalanishni yanada rivojlantirish bo‘yicha strategik tavsiyalar ilgari surilgan.