INGLIZ VA O‘ZBEK TILLARIDA MATEMATIK TERMINLARNING ANTROPOTSENTRIK TADQIQI

Ushbu maqolada ingliz va o‘zbek tillarida matematik terminlarning antropotsentrik xususiyatlari lingvistik qiyoslash asosida o‘rganiladi. Tadqiqotda matematik terminlarning etimologik kelib chiqishi, ularning inson tafakkuri bilan bog‘liq semantik xususiyatlari va tillararo farqlari tahlil qilinadi. Shuningdek, terminlarning madaniy va kognitiv asoslari ham o‘rganilib, ularning ilmiy-nazariy asoslari yoritiladi. Qiyosiy tahlil, etimologik tahlil va antropotsentrik yondashuv orqali matematik terminlarning lingvistik va semantik jihatlari chuqur o‘rganilgan.

Matematika fanining rivojlanishi bilan birga, uning terminologiyasi ham tildan tilga o‘tib, turli madaniy va ilmiy omillar ta’sirida shakllangan. Ingliz tili global fan tili sifatida matematik terminlarni xalqaro darajada standartlashtirgan bo‘lsa, o‘zbek tilida bu terminlar turli tarixiy va lingvistik ta’sirlar ostida shakllangan. Ushbu maqolada ingliz va o‘zbek tillarida matematik terminlarning qanday shakllanganligi, qanday antropotsentrik omillar ta’sirida o‘zgarganligi va ularning semantik xususiyatlari o‘rganiladi.

Maqolada, shuningdek, matematik terminlarning qaysi tillardan o‘zlashganligi, ularning dastlabki ishlatilish kontekstlari va bugungi kundagi qo‘llanilish tahlili ham olib boriladi. Lingvistik o‘zgarishlar, matematik tushunchalarning xalq orasida qanday qabul qilinishi va terminologiyaning barqarorligi masalalari ko‘rib chiqiladi. Bu esa lingvistika va matematika fanlarining kesishgan nuqtalarini aniqlashga imkon beradi.